Invest in God’s Future

Matthew 25:14-30

¹⁴“Ang Kaharian ng Langit ay maihahalintulad sa kuwentong ito: May isang taong papunta sa malayong lugar. Kaya tinawag niya ang kanyang mga alipin at ipinagkatiwala sa kanila ang kanyang ari-arian. ¹⁵Binigyan niya ang bawat isa ayon sa kani-kanilang kakayahang magnegosyo. Binigyan niya ang isa ng limang libong salaping ginto, ang isa naman ay dalawang libong salaping ginto, at ang isa pa ay isang libong salaping ginto. Pagkatapos ay umalis na siya. ¹⁶Ang alipin na binigyan ng limang libo ay kaagad na umalis at ginamit sa negosyo ang pera. At tumubo siya ng limang libo. ¹⁷Ganoon din ang ginawa ng alipin na binigyan ng dalawang libo. At tumubo siya ng dalawang libo. ¹⁸Ngunit ang alipin na binigyan ng isang libo ay humukay sa lupa at itinago roon ang perang ibinigay ng kanyang panginoon.

¹⁹“Pagkalipas ng mahabang panahon, bumalik ang amo nila at ipinatawag sila para magbalita tungkol sa perang ipinagkatiwala sa kanila. 20Lumapit ang alipin na nakatanggap ng limang libo at sinabi, ‘Panginoon, heto po ang limang libo na ibinigay nʼyo sa akin, at ang karagdagang limang libo na tinubo ko.’ 

²¹“Sumagot ang amo niya, ‘Magaling! Isa kang mabuti at tapat na alipin! At dahil naging matapat ka sa kakaunting ipinagkatiwala sa iyo, ipapamahala ko sa iyo ang mas malaki pang halaga. Halikaʼt makibahagi sa aking kaligayahan!’

²²“Pagkatapos, lumapit naman ang alipin na binigyan ng dalawang libo at sinabi niya, ‘Panginoon, heto po ang dalawang libo na ibinigay nʼyo sa akin, at ang karagdagang dalawang libo na tinubo ko.’

²³“Sumagot ang kanyang amo: ‘Magaling! Isa kang mabuti at tapat na alipin! At dahil naging matapat ka sa kakaunting ipinagkatiwala sa iyo, ipapamahala ko sa iyo ang mas malaki pang halaga. Halikaʼt makibahagi rin sa aking kaligayahan!’

²⁴“Lumapit din ang alipin na binigyan ng isang libo at sinabi sa kanyang amo, ‘Alam ko pong mabagsik kayo at walang awa. Inaani ninyo ang hindi ninyo itinanim, at kinukuha ninyo ang pinaghirapan ng iba. ²⁵Natakot po ako kaya ibinaon ko ang pera nʼyo sa lupa. Heto po ang isang libo na ibinigay nʼyo sa akin.’

²⁶“Sumagot ang kanyang amo, ‘Masamá at tamad na alipin! Alam mo palang inaani ko ang hindi ko itinanim, at kinukuha ko ang pinaghirapan ng iba. ²⁷Bakit hindi mo na lang idineposito sa bangko ang pera ko para sa pagbalik ko ay may makuha akong interes?’

²⁸“ ‘Kunin ninyo sa kanya ang isang libo at ibigay sa mayroong sampung libo. ²⁹Sapagkat ang mayroon ay bibigyan pa ng mas marami, ngunit ang wala, kahit ang kaunting nasa kanya ay kukunin pa. ³⁰Itapon ninyo ang walang silbing alipin na ʼyan sa labas, doon sa kadiliman kung saan siyaʼy tatangis at magngangalit ang kanyang ngipin.’

Pag-Explore Sa Scripture

Nakasulat sa bahaging ito ang talinghaga tungkol sa mga talento, na matatagpuan din sa Lucas 19. Madalas itong ipaliwanag bilang kuwento tungkol sa maayos na stewardship o pangangalaga ng pera o kayamanan. Sinusuportahan ng pagkakalagay nito sa Lucas ang ganoong interpretation. Pero sa Matthew, mas malawak ang kahulugan nito—tungkol ito sa pagtitiwala sa Diyos, kung paano natin tatalunin ang ating mga takot, at pag-take ng risks para makatulong sa pagtatatag ng paghahari ng Diyos dito sa lupa. Sa Matthew, ito ang pangatlo sa apat na kuwentong ibinahagi ni Jesus na nagbibigay ng insights tungkol sa pagdating ng kaharian ng Diyos. Sa pamamagitan ng talinghagang ito, tinutulungan ni Jesus ang mga tao na magtiwala sa mga nagawa na ng Diyos para sa atin. Itinuturo ni Jesus na dapat tayong tumugon sa paanyaya ng Diyos na tumulong sa pagbuo ng Kanyang vision o pagnanais para sa shalom, at huwag mag-alala kung paano paghirapang makuha ang pagmamahal ng Diyos na matagal nang ibinigay sa atin nang walang kondisyon.

Kamangha-mangha ang naging return on investment o bunga ng mga aliping nakatanggap ng lima at dalawang talento. Bagama't pinuri ng amo ang kanilang pagsisikap, tila kulang pa ang naging reaction niya kumpara sa laki ng kanilang kinita. Mabilis na lumipat ang focus ng kuwento sa aliping piniling ibaon ang nag-iisa niyang talento. Para sa aliping sinubukan lang namang ingatan ang talento ng kanyang amo, tila sobra at napakalupit ng naging reaction nito. Ngunit sa paningin ng master na nagtiwala sa alipin upang gumawa ng responsableng desisyon sa paggamit ng talento, lumalabas na tamad at mali ang naging kilos nito.

Habang lumalalim tayo sa kuwento, mapapansin natin na nagpasyang ibaon ng alipin ang talento dahil sa takot. Hindi siya nagtitiwala sa character ng kanyang master. Natatakot siya sa kung anong maaaring gawin nito, kaya pinili niya ang sa tingin niya ay pinakaligtas na paraan—ang ibaon ang talento upang maprotektahan ito. Tinanong siya ng master kung bakit hindi na lang niya inilagak sa bangko ang salapi upang kumita man lang ng interest kung talagang iniisip niyang napaka-demanding ng master niya. Nakakatawa mang isipin, makikita natin na ang takot mismo ng alipin ang pumigil sa kanya upang gumawa ng tamang pasya. Kahit papaano, sana ay pinili na lang niya ang safe option upang kumita ng garantisadong interest sa bangko. Ngunit kung nagtiwala lamang ang alipin sa master na unang nagtiwala sa kanya, nag-take sana siya ng risk at ginawa ang lahat upang matupad ang hangarin ng master.

Ikinuwento ni Jesus ang talinghagang ito sa mga huling araw ng kanyang buhay dito sa lupa. Nasa gitna siya noon ng paggawa ng mga desisyong hindi maituturing na "responsible" kung ang tanging goal niya ay ang mabuhay. Ngunit matututunan natin mula sa kahulugan ng talinghaga at sa halimbawa ni Jesus na ang paggawa ng responsible choices ay nangangahulugan ng kahandaang mag-take ng risks upang ipahayag si Jesu-Cristo at magtaguyod ng mga komunidad na puno ng joy, hope, love, at peace. Tungkol ito sa pagpiling makibahagi sa pagbabago ng mundo batay sa vision of shalom ng Diyos.

Kapag hindi tayo nagtitiwala sa Diyos at natatakot tayong huhusgahan Niya nang malupit ang ating mga pasya, nananatili tayong nakatengga at paralisado sa takot. Tulad ng alipin, ibinabaon natin ang ating "talent." Kailangan nating manatiling nakasentro sa unconditional love at grace ng Diyos sa pamamagitan ni Jesu-Cristo. Kailangan nating kilalanin na nagtitiwala sa atin ang Diyos bilang mga stewards o tagapangalaga ng ating mga desisyon upang makatulong sa pagtatatag ng paghahari Niya dito sa lupa. Makakatulong ito upang magtiwala tayo sa Diyos, makalaya sa ating takot, at mag-take ng risks, sumuong sa panganib o makipagsapalaran tulad ng ginawa ni Jesus. Tulad ng mga aliping nakagawa ng pambihirang kita mula sa kanilang mga "talents," ginagabayan tayo ng Holy Spirit na gumawa ng mga tamang pasya na nakakatulong para panumbalikin ang purposes o layunin ng Diyos sa mundo. Habang nagri-risk tayong gumawa ng responsableng desisyon tulad ni Jesus, nakikibahagi tayo sa kagalakan ng pagiging mga kingdom builders ng Diyos.

Mga Pangunahing Kaisipan

1. Kailangan nating matutong magtiwala sa unconditional love at grace ng Diyos sa pamamagitan ni Jesu-Cristo.
2. Nagtitiwala sa atin ang Diyos bilang mga stewards na gagawa tayo ng mga responsableng desisyon kung paano gagamitin ang lahat ng ating natanggap upang isulong ang vision of shalom ng Diyos.
3. Ang paggawa ng responsible choices ay nangangailangan ng paglaya natin sa ating mga takot at sa kagustuhang "mag-play safe," at sa halip ay mag-take ng risks tulad ng ginawa ni Jesus.

Mga Tanong para sa Speaker

1. Paano ka mananatiling nakasentro sa unconditional love at grace ng Diyos sa pamamagitan ni Jesu-Cristo upang mas lumalim ang tiwala mo sa Kanya?
2. Saang bahagi ng iyong buhay o komunidad kumikilos ngayon ang Diyos at tinatawag kang mag-take ng risk upang makibahagi?
3. Anong mga gifts ang ibinigay sa iyo ng Diyos na maaari mong gamitin upang makatulong na maibalik ang vision of shalom ng Diyos sa pamamagitan ng Community of Christ Mission Initiatives?
4. Ano ang kinatatakutan mo sa pag-take ng risks upang gamitin ang iyong mga gifts sa pagbabago ng mundo?
5. Paano mo malalampasan ang iyong takot at susundin ang paggabay ng Holy Spirit upang gamitin ang iyong mga gifts sa misyon?